ქართული ოცნების დეპუტატი, ნუკრი ქანთარია "ბიძინა ივანიშვილის ხატებით" გირჩის პერფორმანსს გამოეხმაურა და ღმერთს შესთხოვს, რომ ახლაგაზრდებს "სასჯელი არ მოევლინოთ".

"ახალგაზრდები წააქეზეს და ხატებს თავები მოაჭრევინეს. მე არ ვიცი. შევთხოვ ღმერთს, რომ ამ ბავშვებს არავითარი ღვთის სასჯელი არ მოევლინოთ", — განაცხადა ქანთარიამ ჟურნალისტებთან.

მანამდე უმრავლესობის დეპუტატმა ზაზა გაბუნიამ, გირჩში აქცია-პერფორმანსს ათეისტური ფანატიზმი უწოდა:

"მაქედან ერთი ნაბიჯია ჩეკისტობამდე".

26 ნოემბერს გირჩმა აქცია-პერფორმანსი მოაწყო. მათ "ბიძინა ივანიშვილის ხატებით" მსვლელობა მოაწყვეს და ივანიშვილის სახლთან "ვხედავ მეცხვარეს" იმღერეს.