მმართველი გუნდიდან წამოსული დეპუტატი ბექა ნაცვლიშვილი პროპორციული საარჩევნო სისტემის მოთხოვნით პროფესიული კავშირის წარმომადგენლებთან და მხარდამჭერებთან ერთად ფილარმონიასთან საპროტესტო აქციას მართავს. მისი თქმით, მხოლოდ პროპორციულის მოთხოვნა არასწორია და პოლიტიკურმა პარტიებმა უნდა დაამტკიცონ ეს რეალური ცვლილებებისთვის სჭირდებათ, თუ პარლამენტში მოსახვედრად.

"ჩვენი მოთხოვნა არ არის მხოლოდ და მხოლოდ პროპორციული არჩევნები, არამედ დღესვე ჩვენ ვითხოვთ იმას, თუ რისთვის გვჭირდება ის. ეს არის: მინიმალური ხელფასი, ღირსეული შრომის პირობები, უკეთესი ეკოლოგიური გარემო, სოლიდარობაზე დაფუძნებული საპენსიო სისტემა, საბინაო სისტემა, აზარტული თამაშების შეზღუდვა და სოციალური სამართლიანობა", — განაცხადა მან.

პარალელურად, ლეიბორისტული პარტიის ოფისში ოპოზიციის შეხვედრა იმართება, სადაც ხვალინდელ პარლამენტის პიკეტირებასა და საპროტესტო აქციაზე მსჯელობენ.