საერთაშორისო რესპუბლიკური ინსტიტუტის (IRI) კვლევის თანახმად, სკანდალური შეწყალებების შემდეგ მოსახლეობა პოლიტიკოსებიდან ყველაზე ნეგატიურად პრეზიდენტ სალომე ზურაბიშვილის მიმართაა განწყობილი. კვლევის თანახმად, ის გამოკითხულთა 70 პროცენტს არ მოსწონს.

ეს კვლევა 11 სექტემბრიდან 14 ოქტომბრის პერიოდში ჩატარდა, პრეზიდენტმა კი მძიმე დანაშაულისთვის მსჯავრდებულები მარიამობის დღესასწაულთან დაკავშირებით, 27 აგვისტოს შეიწყალა.

ამავე კვლევის თანახმად, 57 პროცენტი ნეგატიურადაა განწყობილი ბიძინა ივანიშვილის მიმართ, 55 პროცენტი ირაკლი ღარიბაშვილის, 50 — არჩილ თალაკვაძის, ხოლო 49 პროცენტი გიორგი გახარიას.

კვლევის მიხედვით, გამოკითხულთა 57 პროცენტი დადებითადაა განწყობილი დავით ბაქრაძის მიმართ, 49 პროცენტი კახი კალაძის, ხოლო 47 დავით უსუფაშვილის.

ფოტო: IRI