ბათუმში, მთავრობის სახლთან ამ დროისათვის საპროტესტო აქციის მონაწილეები იკრიბებიან. ისინი სოლიდარობას უცხადებენ თბილისში მიმდინარე აქციის მონაწილეებს. ადგილზე მობილიზებულია პოლიციაც.

15:00 საათიდან აქცია განახლდა თბილისშიც, პარლამენტის შენობის წინ, რომელსაც მსვლელობით შეურთდნენ ევროპული საქართველო, ნაციონალური მოძრაობა, საზოგადოებრივი მოძრაობა ლელო და პარტია გირჩი.

დღესვე, 17:00 საათიდან რესპუბლიკის მოედანაზე აქციას გამართავს პატრიოტთა ალიანსი.

საპროტესტო აქციები 14 ნოემბერს, პარლამენტის მიერ ჩაგდებულ საკანონმდებლო ინიციატივას უკავშირდება, რომლის მიხედვითაც 2020 წლის საპარლამენტო არჩევნები პროპორციული საარჩევნო სისტემით უნდა ჩატარებულიყო.