"ბედნიერი ვარ! 2020 წლის ახალი ტურნე საკუთარ ბენდთან ერთად! მთელი გაერთიანებული სამეფოს მასშტაბით, ასევე ირლანდიასა და ევროპის სხვა ქვეყნებში", — წერს წარმოშობით ქართველი ბრიტანელი მომღერალი ქეთი მელუა ფეისბუქის საკუთარ ოფიციალურ გვერდზე, სადაც მომავალი წლის მასშტაბურ ტურნეზე გვიყვება.

მომღერალი ასევე წერს, რომ ტურნე გორის ქალთა გუნდთან ერთად ჩაივლის, რომელთან თანამშრომლობის შესაძლებლობაც გასულ წელს უკვე ჰქონდა და იქვე ახალ ალბომსაც აანონსებს.

აღსანიშნავია, რომ ბილეთების შეძენა მომავალ პარასკევს, 22 ნოემბრის დილის 10 საათიდან იქნება შესაძლებელი.

ქეთი საქართველოში დაიბადა, ხოლო 1993 წელს ოჯახთან ერთად ირლანდიაში წავიდა საცხოვრებლად. მისი მუსიკალური კარიერა კი 2000 წელს დაიწყო, როდესაც 15 წლის ასაკში კონკურსში Stars Up Their Nose მიიღო მონაწილეობა და გაიმარჯვა.