უმრავლესობის წევრი და დეპუტატი დიმიტრი ხუნდაძე, რომელმაც მხარი არ დაუჭირა პროპორციულ საარჩევნო სისტემაზე გადასვლას, საზოგადოებას პარლამენტის გადაწყვეტილებას ულოცავს:

"ვულოცავ საზოგადოებას, რომ პარლამენტი აღმოჩნდა მოწოდების სიმაღლეზე და მხარი დაუჭირა ქვეყნის სტაბილურ, გრძელვადიან განვითარებას".

ჟურნალისტებთან საუბრისას ხუნდაძემ ასევე განაცხადა, რომ ნაციონალურ მოძრაობას "დესტრუქციული გეგმა" ჩაეშალა:

"ვულოცავ საზოგადოებას და ვულოცავ ქართველ ხალხს, რომ ქვეყანა ივლის სტაბილურად, ეყოლება ძლიერი მთავრობა".

განცხადების პარალელურად ხუნდაძეს ირმა ინაშვილი მიუახლოვდა და ჟურნალისტებს უთხრა, რომ მას აკისრებდა პასუხისმგებლობას ქვეყანაში შექმნილ კრიზისზე.

დღეს პარლამენტმა პროპორციულ საარჩევნო სისტემაზე გადასვლის კანონპროექტი ჩააგდო. 101 მომხრე, 3 წინააღმდეგი, კანონპროექტის მისაღებას 113 ხმა იყო საჭირო.

40-ვე დეპუტატი, რომელმაც კანონპროექტს მხარი არ დაუჭრია, ქართული ოცნების წევრია.