ქართული ოცნების დეპუტატი კარლო კოპალიანი ამტკიცებს, რომ ქალების ბულინგის მსხვერპლია. ამის მიზეზად ის დეპუტატის საშვის დაზიანებას ასახელებს, ბულინგში კი თინა ბოკუჩავას და ელენე ხოშტარიას ადანაშაულებს.

"ქალების ბულინგის მსხვერპლი ვარ. რას ნიშნავს აბა ეს?" - ამბობს კოპალიანი და დაზიანებულ საშვს აჩვენებს.

მისი თქმით, ერთმა "წაავლო ხელი" საშვს და მეორემ მაკრატლით გაჭრა.

კითხვაზე რატომ ჰგონია ეს დეპუტატს ბულინგი კოპალიანი პასუხობს: "აბა, ეს მოფერებაა?"

კოპალიანი იმ 35 დეპუტატ შორისაა, ვინც პროპორციულ საარჩევნო სისტემაზე მისსავე დაინიცირებულ კანონპროექტს მხარი არ დაუჭირა.

დღეს, 14 ნოემბერს ბიძინა ივანიშვილის დაპირება არ შესრულდა. ქართულმა ოცნებამ მხარი არ დაუჭირა კანონპროექტს, რომლითაც ქვეყანაში 2020 წლის არჩევნები სრულად პროპორციული სისტემით უნდა ჩატარებულიყო.