საშობაო განწყობა საკმაოდ თბილი შემოდგომის გამო ჯერ კიდევ არ გაქვთ?

ამას John Lewis ახალი სარეკლამო რგოლი გამოასწორებს, რომელიც უკვე ტრადიციულად ყოველ წელს ყველაზე კეთილ, ჯადოსნურ და სიყვარულით სავსე საშობაო ვიდეოებს გვთავაზობს.

John Lewis ბრიტანული მაღაზიათა ქსელია, რომელიც ყოველწლიურად ერთმანეთზე უფრო შთამბეჭდავ და ემოციურ საშობაო ვიდეობს იღებს. ისინი მთელს მსოფლიოში იმდენად პოპულარულია, რომ ყოველი შობის წინ მათ გამოსვლას მილიონობით ადამიანი ელოდება და შობის მოახლოების ერთგვარ ოფიციალურ ნიშნად მიიჩნევს.

წელს კომპანიამ ყველაზე საყვარელი დრაკონის, ედგარის ისტორია გააცოცხლა, რომელიც ტრადიციულად მაყურებლებისთვის მნიშვნელოვანი გზავნილის გადმოსაცემად გამოიყენეს.