ჩინეთის ოფიციალური სამომხმარებლო ივენთი Single's Day წარმატებული აღმოჩნდა Alibaba-სთვის, რომელმაც 11 ნოემბერს გაყიდვებში ახალი რეკორდები მოხსნა.

ღონისძიების პირველ 96 წამში კომპანიამ 1,43 მილიარდი დოლარის ღირებულების პროდუქცია გაყიდა, 9 საათში $21 — მილიარდის, ხოლო დღის ბოლოს წინა წლის რეკორდი ($30,8 მლრდ) მოხსნა და 24 საათში 38,4 მილიარდი დოლარის ღირებულების პროდუქცია გაყიდა.

11/11-ის ფარგლებში, მომხმარებლები ყველაზე მეტად Alibaba-ს შემდეგ სერვისებს სტუმრობდნენ: Taobao-ს, Tmall-ს და AliExpress-ს. როგორც ცნობილია, მსოფლიოს მასშტაბით ონლაინ-შოპინგში ნახევარ მილიარდზე მეტი ადამიანი მონაწილეობდა.

Single's Day-ის ჩინეთის შავ პარასკევსაც უწოდებენ. ე.წ. Black Friday წელს 29 ნოემბერს გაიმართება, როდესაც კომპანიები და ბრენდები მსოფლიო მასშტაბით პროდუქციას ფასდაკლებით გაყიდიან.