შინაგან საქმეთა სამინისტროს ინფორმაციით, ანა სუბელიანზე თავდასხმის ფაქტე გამოძიება სისხლის სამართლის კოდექსის 126-ე მუხლით დაიწყო, რაც ძალადობას გულისხმობს. მათი თქმით, ინციდენტში მონაწილე ერთი პირი პოლიციამ უკვე დააკავა და მიმდინარეობს საგამოძიებო ღონისძიებები.

სუბელიანი აცხადებს, რომ მას მიზანმიმართულად ესროლეს დიდი ქვა ან მსგავსი მძიმე საგანი. მისი თქმით, პოლიციამ მის მიმართ აგრესიულად განწყობილი პირების შესაჩერებლად არაფერი არ გააკეთა.

"მიზანმიმართული თავდასხმა იყო, მომვარდნენ მიცნეს და მემუქრებოდნენ. პოლიცია არაფერს აკეთებდა ამის შესაჩერებლად. ყველფერი აჩვენებდა, რომ შეიძლებოდა ფიზიკური დაპირისპირების მსხვერპლი გავმხდარიყავი, სრულიად შემთხვევით ვარ გადარჩენილი, რომ თვალი არ დავკარგე".

აგრესიული პირები ფილმ And Then We Danced-ის სეანსის ჩაშლას ცდილობენ და კინოთეატრ ამირანის სტუმრებს პიროტექნიკასა და სხვადასხვა ნივთებს ესვრიან.