Bloomberg Billionaires Index-ის მიხედვით, 2019 წლის 8 ნოემბრის ჩათვლით, ბიძინა ივანიშვილის ქონება $450 მილიონი აშშ დოლარით (+9%) გაიზარდა. მილიარდერების 500-ეულში ივანიშვილი 357-ე ადგილს იკავებს. მისი ქონება 5,45 მილიარდ აშშ დოლარს შეადგენს.

2019 წლიდან ივნისის მონაცემებით, ბიძინა ივანიშვილის ქონება 5,27 მილიარდ აშშ დოლარს შეადგენდა, ხოლო ივლისში 5,37 მილიარდ აშშ დოლარი იყო.

ივანიშვილმა თავისი ქონების მნიშვნელოვანი წილი 2003-2006 წლების შუალედში, აქტივების მნიშვნელოვანი წილის გაყიდვის შემდეგ დააგროვა. ბიძინა ივანიშვილის ძირითადი ფინანსური საქმიანობა რუსეთთან არის დაკავშირებული. 1990-იანი წლებში ივანიშვილი აქტიურად მონაწილეობდა, რუსეთის საქმიან ცხოვრებაში. მისი ინტერესები ფართოდ იყო წარმოდგენილი რუსეთის ეკონომიკის სხვადასხვა სეგმენტში, მათ შორის, ფინანსების, ჯანდაცვისა და მძიმე მეტალურგიის სექტორში.