სულ ცოტა ხნის წინ გამოქვეყნდა ფილმ Now is Everything-ის ტრეილერი, რომელშიც ახალგაზრდა ქართველი მსახიობი, ირაკლი კვირიკაძე ოსკაროსან მსახიობთან, ენტონი ჰოპკინსთან ერთად თამაშობს.

ფილმი იტალიელმა რეჟისორმა, დანტე სპინოტიმ გადაიღო. ეს რეჟისორი მანამდე ორჯერ იყო ნომინირებული ოსკარზე თავისი ფილმებით LA Confidential და The Insider.

ფილმი მოდის ფოტოგრაფის, ნიკოლას იარნის შესახებ მოგვითხრობს, რომელიც დაკარგულ შეყვარებულს ეძებს. სწორედ ამ მთავარ როლს ასრულებს ქართველი მსახიობი, ირაკლი კვირიკაძე.

ირაკლი მაყურებლებმა რეზო გიგინეიშვილის ფილმით მძევლები გაიცნო, რომელშიც შესრულებულმა როლმა მას დიდი წარმატება მოუტანა და 2018 წელს 10 საუკეთესო ახალგაზრდა მსახიობთა შორის მოხვდა.

ფილმში ასევე მონაწილეობენ ჯეკ ნიკოლსონის შვილი, რეი ნიკოლსონი და სერიალ The Handmaid’s Tale-ის მსახიობი მედელინ ბროუერი.