პაატა ბურჭულაძის პოლიტიკური გაერთიანება ბლოკის სტატუსს არჩევნების დასრულებამდე შეინარჩუნებს და ერთ თვეს იღებს ვადას იმისთვის, რომ ბლოკში შემავალ პარტიებში რეორგანიზაცია განხორციელდეს. ამის შესახებ პოლიტიკური სუბიექტის ლიდერებმა დღეს გამართული შეხვედრის შემდეგ განაცხადეს.

როგორც ბლოკში შემავალი პარტიის - ახალი საქართველოს ლიდერმა, გიორგი ვაშაძემ განაცხადა, ერთი თვეა საჭირო იმისთვის, რომ რეორგანიზაციის შემდეგ საბოლოოდ სამოქმედო გეგმა გაასაჯაროვებენ:

"საბოლოო სამოქმედო გეგმას, იქნება ჩვენი ერთად თუ სხვა პოლიტიკურ ძალებთან ერთად, უკვე საბოლოოდ გაგაცნობთ. არ ვითანამშრომლებთ პრორუსულ ძალებთან. ნინო ბურჯანაძის კურსი სულ სხვა მხარეს არის. ქართული ოცნება... როგორ წარმოგიდგენიათ ხელისუფლების და ოპოზიციის თანამშრომლობა, არ ვიცი".