შინაგან საქმეთა სამინისტრომ მშობლის მიერ არასრულწლოვანი შვილის ქორწინების იძულების ბრალდებით ერთი პირი დააკავეს. დანაშაული 2-დან 4 წლამდე ვადით თავისუფლების აღკვეთას ითვალისწინებს.

პოლიციის ინფორმაციით, საგარეჯოს რაიონის სოფელ იორმუღანლოში, 2002 წელს დაბადებულ არასრულწლოვან გოგოს მამა მისი ნების საწინააღმდეგოდ, ფსიქოლოგიური ზემოქმედების გზით და გენდერული დისკრიმინაციის მოტივით ქორწინებას აიძულებდა. პოლიციამ მშობლების მიმართ შემაკავებელი ორდერი გამოსცა. ამჟამად გოგო თავშესაფარშია გადაყვანილი.

გამოძიება ოჯახის წევრის მიერ წინასწარი შეცნობით არასრულწლოვნის ქორწინების იძულების საქმეზე საქართველოს სისხლის სამართლის კოდექსის 11 პრიმა-150-ე პრიმა მუხლის მე-2 ნაწილის ა ქვეპუნქტით მიმდინარეობს.