დეკანოზი თამაზ ლომიძე ამბობს, რომ არქიმანდრიტმა ბართლომემ "მაღალი ქუდი უნდა მოიხადოს" და "სამარცხვინო სურვილისთვის" ბოდიში უნდა მოუხადოს როგორც საზოგადოებას, ისე ანიტა რაჭველიშვილს.

"გამოვიდეს და საჯაროდ, ქრისტიანების წინაშე გულწრფელი ბოდიში მოიხადოს მღვდლისთვის ყოვლად მიუღებელი და სამარცხვინო სურვილისთვის. ასევე პატიება სთხოვოს ადამიანს, ქალს და სახელოვან მომღერალს იმ საშინელი და მდაბიო სიტყვებისთვის. სიტყვა თუ სურვილი, რაც შეიძლება წამოსცდეს საერო ადამიანს, არ ეპატიება მღვდელს", — წერს დეკანოზი ფეისბუქზე.

"რაჭველიშვილს ყელის კიბო უშველის" — ამ ფორმით გამოეხმაურა არქიმანდრიტი ბართლომე ქართველ საოპერო მომღერალს ანიტა რაჭველიშვილს, რომელმაც ბერა ივანიშვილი გააკრიტიკა.

ამის შემდეგ არქიმანდრიტმა განაცხადა, რომ მომღერალი არ დაუწყევლია, მან უბრალოდ თქვა, რომ საოპერო მომღერალს კიბო უშველიდა.