მთავარი პროკურატურა განმარტავს, რომ სახალხო დამცველისთვის საკრებულოს წევრის, ილია ჯიშკარიანის საქმის მასალებზე წვდომაზე უარის თქმის უფლება ჰქონდა. პროკურატურა ამის მიზეზად მიუთითებს, რომ სახალხო დამცველს უფლება აქვს გაეცნოს იმ საქმეებს, რომლებზეც მიღებული გადაწყვეტილებები კანონიერ ძალაშია შესული.

"რადგან კანონმდებლობა სახალხო დამცველის მიმართ რაიმე საგამონაკლისო წესს არ ითვალისწინებს, მიმდინარე წლის 15 ოქტომბერს საქართველოს გენერალურმა პროკურატურამ სახალხო დამცველის აპარატს წერილობით აცნობა, რომ სისხლის სამართლის საქმეზე მიმდინარეობს გამოძიება, ხოლო საქართველოს სახალხო დამცველის შესახებ საქართველოს ორგანული კანონის მე-18 მუხლის "ე" ქვეპუნქტის საფუძველზე, შემაჯამებელი გადაწყვეტილების მიღებამდე პროკურატურა ვერ უზრუნველვყოფს სახალხო დამცველის აპარატის წარმომადგენლისთვის საქმის გაცნობას", — ნათქვამია განცხადებაში.

სახალხო დამცველის აპარატმა 11 ოქტომბერს მიმართა, საგამონაკლისო წესით თბილისის საკრებულოს წევრ ილია ჯიშკარიანის მიმართ აღძრული სისხლის სამართლის საქმეს გაცნობოდა.