21 ოქტომბერს Star Wars: The Rise of Skywalker-ის ფინალური ტრეილერი გამოვიდა, რომელსაც ამ საკულტო ფილმების სერიის ერთგული გულშემატკივრები დიდი ხნის განმავლობაში ელოდნენ.

ფილმის პრემიერა 19 დეკემბერს შედგება, თუმცა უკვე 21 ოქტომბერს ტრეილერის გამოსვლასთან ერთად კინოთეატრის ბილეთების წინასწარი გაყიდვაც დაიწყო. ალბათ, სწორედ ამ ფაქტმა იქონია გავლენა იმაზე, რომ რამდენიმე საათში ათასობით ბილეთი გაიყიდა.

თუმცა, მხოლოდ ეს არაა: ფილმის გამოსვლამდე გაყიდული ბილეთების რაოდენობით The Rise of Skywalker-მა მანამდე არსებული Avengers: Endgame-ის რეკორდი მოხსნა და მეტიც - მისი შედეგი 40%-ით გააუმჯობესა.

ფილმი ჯერ არ გამოსულა და უკვე ასეთი მოლოდინებია, რაც საფუძვლიან ეჭვს აჩენს, რომ ეს ერთადერთი რეკორდი არ იქნება, რომლის მოხსნასაც ამ ფილმისგან უნდა ველოდოთ.

იქნებ, ყველაზე მაღალშემოსავლიანი ფილმიც გახდეს? ვინ იცის, მანამდე კი შეგიძლიათ ფინალურ ტრეილერს უყუროთ და პრემიერის თარიღამდე დღეების ათვლა დაიწყოთ.