"თუ დავაპირებ, უთუოდ გაგაგებინებთ დროულად", — ასე უპასუხა პრეზიდენტმა სალომე ზურაბიშვილმა მთავარი არხის ჟურნალისტის კითხვას, შეხვედება თუ არა ის ვლადიმერ პუტინს, ზალკალიანი-ლავროვის შეხვედრის შემდეგ. დღეს, 14 ოქტომბერს პრეზიდენტი მცხეთაში სვეტიცხოვლობის დღესასწაულზე მივიდა.

ნიუ იორკში გაეროს გენერალური ასამბლეის ფარგლებში გამართულ ერთ-ერთი მაღალი დონის შეხვედრაზე საქართველოსა და რუსეთის საგარეო საქმეთა მინისტრები ერთმანეთს შეხვდნენ. 2008 წლის შემდეგ რუსეთ-საქართველოს საგარეო საქმეთა სამინისტროების წარმომადგენლებს დიპლომატიური კონტაქტი არ ჰქონიათ.

25 სექტემბერს ლავროვმა საქართველოსთან ავიამიმოსვლის აღდგენის სურვილი გამოთქვა. მისი თქმით, ამის მიზეზი ისაა, რომ "საქართველოში უმრავლესობამ მართლმადიდებლობის საპარლამენტო ასამბლეაზე რუსეთის წინააღმდეგ პროვოკაციის კონტრპროდუქტიულობა გააცნობიერა".

მოგვიანებით ლავროვმა თქვა ისიც, რომ შეხვედრა საქართველოს საგარეო საქმეთა მინისტრთან შეხვედრა თავად მინისტრმა ითხოვა. საქართველოს საგარეო უწყება კი ამტკიცებს, რომ ინიციატორი შვეიცარიის საელჩო იყო.