უზენაესის მოსამართლეობის კანდიდატი და სააპელაციო სასამართლოს უვადო მოსამართლე, ვლადიმერ კაკაბაძე ამტკიცებს, რომ სასამართლო სისტემაში კლანური მმართველო არაა. ამის შესახებ კაკაბაძემ პარლამენტში მოსმენისას განაცხადა. მანამდე კაკაბაძემ განაცხადა, რომ როგორც წინა ხელისუფლების დროს, ახლაც ქვეყანა დემოკრატული საშუალებებით იმართება.

"არავითარი კლანური გავლენა არ არსებობს. და კორუფციაც, ეს საერთოდ ფანტასტიკას მიღმაა", — უთხრა კაკაბაძემ ნაციონალური მოძრაობის დეპუტატს, თინათინ ბოკუჩავას.

ვლადიმერ კაკაბაძე სააპელაციო სასამართლოს სამოქალაქო საქმეთა პალატის უვადო მოსამართლეა. 2006-2016 წლებში იგი თბილისის საქალაქო სასამართლოს მოსამართლე იყო.

კანდიდატს განხილული აქვს ბოლო წლებში ერთ-ერთი ყველაზე გახმაურებული ფილიპ მორისის საქმე. მოსარჩელე "თბილისის თამბაქო" ითხოვდა კომპანია ფილიპ მორისის მიერ დემპინგით მიყენებული დიდი ოდენობით მატერიალური ზიანის ანაზღაურებას. მოსამართლე ვლადიმერ კაკაბაძემ სრულად გაიზიარა მოსარჩელის პოზიცია და, შესაბამისად, სრულად დააკმაყოფილა მისი მოთხოვნები. ვლადიმერ კაკაბაძემ მოპასუხეებს, საერთო ჯამში, დაახლოებით, 92 მილიონი ლარის გადახდა დააკისრა მოსარჩელის სასარგებლოდ.

მოსამართლე ვლადიმერ კაკაბაძე წარმოადგენდა მოსარჩელეს ბიზნესმენ ფადი ასლისთან დავაში. მოსამართლემ სარჩელი აღძრა მორალური ზიანის ანაზღაურების მოთხოვნით მას შემდეგ, რაც ბიზნესმენმა მას კორუმპირებული უწოდა. მართალია, თბილისის საქალაქო და სააპელაციო სასამართლოებში მოსამართლემ მოიგო დავა, თუმცა საქართველოს უზენაესმა სასამართლომ გააუქმა ქვედა ინსტანციის სასამართლოს გადაწყვეტილება და უარი უთხრა მოსამართლე ვლადიმერ კაკაბაძეს სარჩელის დაკმაყოფილებაზე.

ამავე თემაზე: