ერთიანი ნაციონალური მოძრაობა დღეს საღამოს, 19:30 საათზე პოლიტსაბჭოს სხდომას მართავს. პარტიამ უნდა იმსჯელოს, შევა თუ არა პარლამენტში, თუ გამოაცხადებს ბოიკოტს.

პარტიის ლიდერებს შორის აზრები გაყოფილია. ელენე ხოშტარია, გივი თარგამაძე, ოთო კახიძე და სხვები მიიჩნევენ, რომ პარტიამ უნდა გააგრძელოს ბრძოლა პარლამენტში და ასევე, მეორე ტურებში. რაც შეეხება პარტიის შედარებით რადიკალურ ნაწილს, მათ შორის მიხეილ სააკაშვილს, მას მიაჩნია, რომ მეორე ტურში მონაწილეობას აზრი არ აქვს, ხოლო პარლამენტში შესვლასთან დაკავშირებით პარტიამ აზრი საქართველოს მასშტაბით თავის აქტივისტებს უნდა ჰკითხოს.