მთავრობამ სახელმწიფო უსაფრთხოების სამსახურის უფროსად გრიგოლ ლილუაშვილის კანდიდატურა წარადგინა. ამჟამად ლილუაშვილი უწყების უფროსის პირველი მოადგილის პოსტს იკავებს. პარლამენტის ბიურომ ლილუაშვილის კანდიდატურა განსახილველად თავდაცვისა და უშიშროების კომიტეტს უკვე გადაუგზავნა.

სუს-ის უფროსის კანდიდატურა მას შემდეგ გახდა ვაკანტური, რაც ყოფილი ხელმძღვანელი, ვახტანგ გომელაური შინაგან საქმეთა მინისტრად დაინიშნა.

ლილუაშვილი ამჟამინდელი მოწვევის პარლამენტის მაჟორიტარი დეპუტატი იყო. სუს-ის უფროსის მოადგილედ ის 2017 წელს დაინიშნა.

2016 წელს ლილუაშვილი თბილისის მერის მოადგილე იყო. მანამდე კი, ერთი წლის განმავლობაში ქართუ ბანკში სამეთვალყურეო საბჭოს თავმჯდომარედ მუშაობდა. ამავე პერიოდში იყო ქართუ ჯგუფის გენერალური დირექტორი და სამეთვალყურეო საბჭოს თავმჯდომარე.