2019 წლის ხუთ თვეში შვილზე ძალადობისთვის 110 მშობელს სისხლის სამართლის პასუხისმგებლობა დაეკისრა. ეს სტატისტიკური მონაცემები იურიდიულ საკითხთა კომიტეტის სხდომაზე შინაგან საქმეთა სამინისტროს ადამიანის უფლებათა დაცვის სამმართველოს უფროსმა, გოგა ხატიაშვილმა გააჟღერა.

"ერთი მხრივ, ეს სტატისტიკა მიუთითებს იმაზე, რომ მნიშვნელოვანია ამ დანაშაულების პრევენცია და ამ მიმართულებით გავაგრძელებთ თანამშრომლობას და მეორე მხრივ, მნიშვნელოვანია გამომძიებლების შესაძლებლობების გაძლიერება", — განმარტა ხატიაშვილმა.