საპრეზიდენტო კანდიდატს, 78 წლის ბერნი სანდერსს გულზე შუნტირება ჩაუტარეს. ოპერაციის გამო სანდერსმა ყველა წინასაარჩევნო ღონისძიება გააუქმა.

როგორც კანდიდატის წარმომადგენელი ამბობს, პირველ ოქტომბერს საღამოს სანდერსმა გულის არეში ტკივილი იგრძნო. სამედიცინო შემოწმების შემდეგ კი აღმოჩნდა, რომ ვერმონტის სენატორს ოპერაცია სჭირდებოდა.

"სენატორი სანდერსი ძალებს იკრეფს და კარგ ხასიათზეა", — განაცხადა წარმომადგენელმა.

ბერნი სანდერსი საკუთარ თავს სოციალ-დემოკრატს უწოდებს. ის არის ერთ-ერთი ყველაზე წარმატებული დამოუკიდებელი კანდიდატი, თუმცა საპრეზიდენტო არჩევნებში მას დემოკრატების სახელით სურს მონაწილეობა, რადგან მიაჩნია, რომ ასე გამარჯვების მეტი შანსი აქვს.

დემოკრატების სახელით საპრეზიდენტო არჩევნებში მონაწილეობას ბერნი სანდერსი 2016 წელსაც ცდილობდა, თუმცა მაშინ ის ჰილარი კლინტონთან დამარცხდა.