თბილისის მერის, კახა კალაძის განცხადებით, მუნიციპალიტეტის ბიუჯეტი 2020 წელს, დაახლოებით, 1,2 მილიარდ ლარამდე გაიზრდება. ამის შესახებ კალაძემ დედაქალაქის მთავრობის სხდომაზე განაცხადა. მისივე თქმით, მიმდინარე წლის ბიუჯეტი 1,079 მილიარდი ლარია.

"საზოგადოება ხედავს, რომ ძალიან ბევრი მნიშვნელოვანი პროექტი ხორციელდება დედაქალაქის სხვადასხვა რაიონში, სხვადასხვა მიმართულებით. რაც შეეხება 2020 წლის ბიუჯეტს, ამ თემაზე მე მქონდა კომუნიკაცია პრემიერ-მინისტრთან, ბატონ გიორგი გახარიასთან, ასევე, მქონდა კონსულტაციები ფინანსთა მინისტრთან,", — აღნიშნა მერმა.