გენერალური პროკურორის პირველ მოადგილეს, მამუკა ვასაძეს, რომელიც უზენაესი სასამართლოს მოსამართლეობის კანდიდატიცაა მიაჩნია, სასამართლოების მთავარი გამოწვევა საქმეთა გადატვირთულობაა. როგორც კანდიდატმა განმარტა, მოსამართლეების სიმცირისა და გადატვირთულობის გამო გონივრულ ვადაში საქმეების დასრულება ვერ ხერხდება.

დღეს, 27 სექტემბერს იურიდიულ საკითხთა კომიტეტში მამუკა ვასაძეს უსმენენ. მამუკა ვასაძე გენერალური პროკურორის პირველი მოადგილეა. 2014-2015 წლებში იგი ამავე უწყებაში საგამოძიებო ნაწილის უფროსი იყო, ხოლო წინა ხელისუფლების დროს, 2005-2014 წლებში ფინანსურ პოლიციაში მუშაობდა.

2018 წლის ივნის-ივლისში, ირაკლი შოთაძის გადადგომის შემდეგ, მამუკა ვასაძე გენერალური პროკურორის მოვალეობას ასრულებდა. პროკურატურის საქმიანობას უკავშირდება ბევრი გაჭიანურებული გამოძიება, მათ შორის, ხორავას ქუჩის საქმე, მაჩალიკაშვილის საქმე, პირადი ცხოვრების ამსახველი ვიდეო და აუდიომასალების ინტერნეტში გავრცელება, ბირჟა-მაფიას საქმე, კლუბ ბასიანსა და გალერიში ჩატარებული სპეცოპერაციისას უფლებამოსილების გადამეტების სავარაუდო ფაქტები, ზვიად რატიანის საქმე, წინასაარჩევნოდ მომხდარი ინციდენტები. კორცხელის ინცინდენტი და სხვა.

ამავე თემაზე: