AMC-ის ცნობილი პოსტაპოკალიპტიკური სერიალი The Walking Dead წინა სეზონში იმ მომენტში დამთავრდა, როცა შოუში ახლად გამოჩენილი ანტაგონისტი ნიგანი გამოჩნდა და რიკის გუნდის ერთ-ერთი წევრი, რომლის ვინაობაც ამ დრომდე არ ვიცით, მოსაკლავად აირჩია.

AMC საგულდაგულოდ მალავს ვინ იქნება ნიგანის მსხვერპლი. მოკლული პერსონაჟის ვინაობას მხოლოდ 23 ნოემბერს გავიგებთ, მეშვიდე სეზონის პრემიერისას.

მანამდე კი სერიალის გუნდმა ახალი ფრაგმენტი გამოაქვეყნა, რათა მაყურებელს შეახსენოს, რომ მათი საყვარელი სერიალი ეთერში მალე დაბრუნდება.

ვიდეოში ჩანს, რომ ნიგანს უკვე მოკლული ჰყავს თავის მსხვერპლი, რის გამოც მას რიკი მოკვლით ემუქრება. მცირე დიალოგის შემდეგ, ჯეფრი დინ მორგანის გმირი რიკ გრაიმსს თავისი ტრაილერისკენ მიათრევს, ხოლო კამერა ადამიანის დასახიჩრებულ გვამზე გადადის, რომელსაც გვამს ვერც ვუწოდებთ. მსხვერპლი იმ დონეზეა ნაცემი, რომ მის ადგილას სისხლისა და ხორცის გროვაღაა შემორჩენილი.