კომპანია Mattel თოჯინების ხაზს კიდევ უფრო აფართოვებს. ბარბის შემქმნელებმა გუშინ, 25 სექტემბერს განაცხადეს, რომ გენდერულად ნეიტრალურ თოჯინებს გამოუშვებენ.

"ჩვენს სამყაროში თოჯინები ისეთივე უსაზღვრო შესაძლებლობების არიან, როგორც ის ბავშვები, რომლებიც ამ თოჯინებით თამაშობენ. წარმოგიდგენთ #CreatableWorld-ს, თოჯინა, რომლის დიზაინიც იარლიყებისგან თავისუფალია და ყველაფერს იტევს", — წერია კომპანიის ანონსში.

როგორც მატელის პრეზიდენტი, კიმ კულმონი ამბობს, თოჯინები თანამედროვე კულტურასა და სამყაროს ღირებულებებს ასახავენ და ინკლუზიურობისა და მრავალფეროვნების პოზიტიურ გავლენას აღნიშნავენ:

"ვგრძნობთ, რომ ამ თოჯინების დრო მოვიდა. კვლევის დახმარებით აღმოვაჩინეთ, რომ ბავშვებს არ სურთ, მათი თოჯინები გენდერული ნორმებით იმართებოდნენ".

გენდერულად ნეტრალური თოჯინების ხაზს Creatable World ჰქვია. მას სხვადასხვა სტილის ტანსაცმელი და ასევე, გრძელი თმა მოჰყვება.

ფოტო: Mattel

ფოტო: JUCO / Time

ფოტო: JUCO / Time

ფოტო: JUCO / Time