NDI-ს კვლევის მიხედვით, მოსახლეობის 34 პროცენტისთვის საბანკო რეგულაციები მიუღებელია. რეგულაციები მისაღებია მოსახლეობის 49 პროცენტისთვის, ხოლო 16 პროცენტი აღნიშნავს, რომ არ იცის.

ფოტო: NDI

ამავე კვლევის მიხედვით, მოსახლეობის 54 პროცენტს ბანკში ან სხვა ფინანსურ დაწესებულებაში სესხი აქვს. მათგან ხუთი პროცენტი კი ამბობს, რომ სესხის შენატანს დროულად ვერასდროს ფარავს. გარდა ამისა, 71 პროცენტი აღნიშნავს, რომ სესხს ყოველთვის დროულად ფარავს. დანარჩენი 24 პროცენტი კი უთითებს, რომ სესხის დაფარვას ზოგჯერ დროულად ვერ ახერხებს.

NDI-ს კვლევაში აღნიშნულია, რომ მოსახლეობის 72 პროცენტს არ სჯერა, რომ საქართველოში კომერციული ბანკები სესხს კარგი პირობებით შესთავაზებენ. კარგი სასესხო პირობების მხოლოდ 18 პროცენტს სჯერა.

ფოტო: NDI

კვლევა 2019 წლის 13-29 ივლისის პერიოდში ჩატარდა. გამოიკითხა საქართველოს მასშტაბით 2 131 ადამიანი პირისპირ ინტერვიუს წარმომადგენლობითი შერჩევის საფუძველზე. გამოკითხვის საშუალო ცდომილების ზღვარი არის +/- 1,7%.