შინაგან საქმეთა სამინისტროს განცხადებით, პოლიციამ ქურდობისა და ქურდობის მცდელობის ბრალდებით ბათუმში ორი პირი დააკავა. გამოძიების ვერსიით, ერთ-ერთმა პირმა ბათუმში, ერთ-ერთი კომპანიის კუთვნილი ავტომობილი მოიპარა. პოლიციამ ის ბათუმი-სუფსის გზაზე დააკავა. შსს აცხადებს, რომ მეორე პირი პოლიციამ იმ დროს დააკავა, როდესაც ბათუმში, ზვიად გამსახურიდას ქუჩიდან მოქალაქის კუთვნილი მოპედის მოპარვას ცდილობდა.

გამოძიება ქურდობის და ქურდობის მცდელობის მუხლებით, სისხლის სამართლის კოდექსის 177-ე მუხლის მე-3 ნაწილის დ ქვეპუნქტით და 19-177 მუხლის მე-2 ნაწილის ა ქვეპუნქტით მიმდინარეობს. დანაშაული 3-დან 7 წლამდე ვადით თავისუფლების აღკვეთას ითვალისწინებს.