ხობის მუნიციპალიტეტის სოფელ შუა ხორგაში კაცი ტრაქტორის ქვეშ მოყვა და დაიღუპა. ამის შესახებ On.ge-ს შინაგან საქმეთა სამინისტროში უთხრეს.

ინტერპრესნიუთან შუა ხორგის ადმინისტრაციულ ერთეულში მერის წარმომადგენელი, ვალერიან ქაცარავა ამბობს, რომ კაცმა ხელის ტრაქტორი ქვიშით დატვირთა, რომელიც გადაბრუნდა და ქვევით მოიყოლა.

შსს-ს ინფორმაციით, გამოძიება სისხლის სამართლის კოდექსის 276-ე მუხლის მეხუთე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.