ჯანდაცვის მინისტრის მოადგილემ, გრიგოლ გიორგაძემ თანამდებობა დატოვა. ამის შესახებ მან ფეისბუქზე დაწერა. ის სამინისტროში დევნილი და ეკომიგრანტი ოჯახებისთვის ღირსეული საცხოვრებელი პირობების შექმნის საკითხებზე მუშაობდა.

"ამ პერიოდში, სახელმწიფო პოლიტიკის შედეგად, ათასობით ადამიანის ცხოვრება შეიცვალა, გაუჩნდათ საკუთრება და მომავლის რწმენა. მნიშვნელოვანია, რომ შეზღუდული რესურსების მიუხედავად, ვახერხებდით თითოეული დევნილის პრობლემები პირადად მოგვესმინა და მათი გადაჭრის გზები ერთობლივად გამოგვენახა", — დაწერა გრიგოლ გიორგაძემ.

გრიგოლ გიორგაძე მინისტრის მოადგილის თანამდებობას 2018 წლის 23 ივლისიდან იკავებდა.