ადამიანის უფლებათა ცენტრის შეფასებით, 8 ოქტომბრის საპარლამენტო არჩევნები ძირითადად მშვიდ და სამართლიან გარემოში ჩატარდა. მათივე დასკვნით, დაფიქსირებულ ცალკეულ დარღვევებს არ შეუძლიათ, არსებითი გავლენა მოახდინონ არჩევნების საბოლოო შედეგებზე:

"დარღვევების აბსოლუტური უმრავლესობა გამოწვეულია საარჩევნო ადმინისტრაციის წარმომადგენელთა არაკვალიფიციურობით, საარჩევნო კანონმდებლობის არცოდნით. ეს პრობლემები განსაკუთრებით ქვემო ქართლის რეგიონში, ეთნიკური უმცირესობებით დასახლეებულ სოფლებში გამოვლინდა".

ადამიანის უფლებათა ცეტრის დამკვირვებლებმა 14 საჩვარი და 10-ზე მეტი შენიშვნა დაარეგისტრირეს. ადამიანის უფლებათა ცენტრი ასევე ავრცელებს ინფორმაციას, რომ მარნეულის #35 საარჩევნო ოლქში, სოფელ ქეშალოს #37 უბანზე ადამიანის უფლებათა ცენტრის დამკვირვებელს ფიზიკური შეურაცხყოფა მიაყენეს. ამომრჩეველს კონვერტის გარეთ გატანა სურდა, რის შესახებაც ადამიანის უფლებათა ცენტრის დამკვირვებელმა შენიშვნა მისცა კომისისს თავმჯდომარეს. საპასუხოდ, კომისისს თავმჯდომარემ, თაია ძველიევმა და მისმა მოადგილემ დამკვირვებელს უყვირეს ფიზიკური შეურაცხყოფა მიაყენეს. ამის შეახებ ინფორმაცია ცესკოს მიეწოდა.

ადამიანის უფლებათა ცენტრი მოუწოდებს შსს-ს, სწრაფად მოახდინოს რეაგირება ადამიანის უფლებათა ცენტრის დამკვირვებლის ფიზიკური შეურაცხყოფის ფაქტზე და პასუხისგებაში მისცეს კომისიის თავმჯდომარე და მისი მოადილე. ორგანიზაციის ცნობით, პოლიციამ სისხლის სამართლის საქმეზე გამოძიება დაიწყო სსკ-ს 162-ე პრიმა მუხლის I ნაწილით, რაზეც მაქსიმალური სასჯელის სახით შესაძლებელია 2 წლამდე თავსუფლების აღკვეთა.