ტელეკომპანია იმედის, GDS-ის, მაესტროსა და პირველი არხის მიერ ჩატარებული ეგზიტპოლის შედეგების მიხედვით, ზუგდიდის მაჟორიტარულ ოლქში ქართული ოცნების კანდიდატმა ედიშერ თოლორაიამ აიღო ხმების 58,4 პროცენტი, ხოლო ყოფილმა პირველმა ლედიმ, სანდრა ელისაბედ რულოვსმა მხოლოდ 34,5 პროცენტი. თუ აღნიშნული შედეგები ცესკოს ოფიციალური შედეგების იდენტური იქნება, ზუგდიდში მეორე ტური აღარ ჩატარდება.

ოთხი ტელეარხის დაკვეთით ეგზიტპოლი კომპანია თი ენ ესმა ჩაატარა. არასამთავრობო ორგანიზაციათა კოალიცია მედიის ადვოკატირებისთვის ეწინააღმდეგებოდა აღნიშნულ ეგზიტპოლის დამკვეთებს შორის საზოგადოებრივი მაუწყებლის არსებობას, რადგან მათი აზრით, ეს ფაქტი გააღრმავებდა კითხვებს მაუწყებლის დამოუკიდებლობაზე.