"მე, როგორმე, მაკო გომურს პირადად გავცემ ყველა შეკითხვაზე პასუხს", — ასე უპასუხა პრემიერმინისტრობის კანდიდატმა და შინაგან საქმეთა მინისტრის მოვალეობის შემსრულებელმა, გიორგი გახარიამ კითხვას, რატომ არ გასცა მაკო გომურს პასუხი.

გიორგი გახარიამ კიდევ ერთხელ გაიმეორა, რომ მაკო გომურმა შეაფასა და არა კითხვა დასვა.

პარლამენტში გიორგი გახარიას მოსმენისას ევროპული საქართველოს დეპუტატმა, ელენე ხოშტარიამ წაიკითხა მაკო გომურის კითხვა, რომელმაც 20 ივნისის აქციის დაშლისას თვალი დაკარგა.

პრემიერობის კანდიდატმა კი გომურს უპასუხა: "არა, როგორ. ეს კითხვა არ ყოფილა, ეს შეფასება იყო. მადლობა შეფასებისთვის".

მაკო გომური ერთ-ერთია, რომელმაც 20-21 ივნისის აქციის დაშლისას რეზინის ტყვიის მოხვედრის შედეგად თვალი დაკარგა.

ამავე თემაზე: გოგონა მწვანე ყურსასმენით