განვითარებისა და დემოკრატიის ცენტრის სადამკვირვებლო მისიის ხელმძღვანელის არჩილ ყანჩაველის თქმით, საქართველოს ტერიტორიაზე გამონაკლის შემთხვევაში შექმნილ საარჩევნო უბნებში პროცესი მშვიდ და ორგანიზებულ გარემოში მიმდინარეობს:

"აღსანიშნავია პოზიტიური ტენდენცია გასულ წლებთან შედარებით. 2016 წელს განხორციელდა საკანონმდებლო ცვლილება და საქართველოს ორგანული კანონის, საქართველოს საარჩევნო კოდექსის 23-ე მუხლოს საფუძველზე საქართველოს პარლამენტის 2016 წლის 8 ოქტომბრის არჩევნების დროს, თავდაცვის სამინისტროს, საქართველოს შინაგან საქმეთა სამინისტროს, საქართველოს სახელმწიფო უსაფრთხოებისა და დაზვერვის სამსახურების, სახელმწიფო დაცვის სპეციალური სამსახურის სამხედრო მოსახურეებისა და სპეციალირი წოდების მქონე პირებისთვის სპეციალური საარჩევნო უბნები არ შეიქმნა."

ყანჩაველის ინფორმაციით, გამონაკლის შემთხვევაში შექმნილ საარჩევნო უბნებზე დაფიქსირდა რიგი პროცედურული დარღვევები:

  • საარჩევნო დოკუმენტაციის არასათანადოდ წარმოება,
  • კომისიის წევრის გამოუცხადებლობა,
  • ხმის მიცემის პროცედურის დარღვევა.

არჩილ ყანჩაველის განცხადებით, რამდენიმე უბანზე მსჯავრდებულებმა ვერ გამოიყენეს კანონით მინიჭებული ხმის მიცემის უფლება, რადგან ადმინისტრაციამ მათთვის პირადობის დამადასტურებელი მოწმობების დროულად დამზადება-მიწოდება ვერ უზრუნველყო.