თბილისის მერი, კახა კალაძე ამბობს, რომ არ არის აუცილებელი, მოსახლეობას ინფორმაცია აუცილებლად ტელევიზიით მიეწოდოს. ასე გამოეხმაურა კალაძე მამუკა ბახტაძის მიერ პრემიერის პოსტის დატოვების შესახებ Facebook-ზე გამოქვეყნებულ პოსტს. კალაძის ამ განცხადების პარალელურად სამთავრობო ცვლილებებზე მამუკა ბახტაძე მხოლოდ ტოქ-შოუების წამყვანებს ხვდება.

"ფეისბუქი არის კომუნიკაციის ერთ-ერთი საუკეთესო შესაძლებლობა. თუ დააკვირდებით ჩემს აქტიურობას, ძირითადი საკომუნიკაციო წყარო არის ფეისბუქი, სოციალური ქსელი, სადაც ძალიან მჭიდრო და აქტიური თანამშრომლობა მაქვს საზოგადოებასთან და არის საუკეთესო საშუალება დღეს, 21-ე საუკუნეში", — თქვა კალაძემ.

მამუკა ბახტაძემ პრემიერის თანამდებობიდან გადადგომის შესახებ ფეისბუქზე დღეს, 2 სექტემბერს დაპოსტა.