Terminator: Dark Fate ახალ ტრეილერში ლინდა ჰამილტონი სარა კონორის საკულტო პერსონაჟს მთელი დიდებულებით აბრუნებს.

მაყურებელს 25 წელზე მეტხანს მოუწია ლოდინი იმისთვის, რომ ლინდა ჰამილტონი ტერმინატორის ახალ ფილმში კვლავ ეხილა და აი ისიც, სარა კონორი არნოლდ შვარცნეგერის ტერმინატორთან კიდევ ერთხელ შეეცდება ცუდი ბიჭების განადგურებას.

ახალ ფილმში ბრუნდება არნოლდ შვარცნეგერიც, თუმცა ტერმინატორის ფრენჩაიზიდან ყველაზე პოპულარულ ფრაზას, I'll Be Back (მე დავბრუნდები), ამჯერად კონორი ამბობს.

ტერმინატორის რიგით მეექვსე ფილმის რეჟისორი ტიმ მიულერია, სცენარი კი ჯეიმს კამერონს ეკუთვნის. ფილმი დიდ ეკრანებზე პირველ ნოემბერს გამოვა.