იაპონური კომპანია Nintendo-ს ახალი, უფასო მობილური თამაში, Mario Kart მალე iOS-სა და Android სისტემებზე ხელმისაწვდომი გახდება. კომპანიის განცხადებით, თამაში 25 სექტემბერს გამოდის და მისი ჩამოტვირთვა შესაძლებელი იქნება როგორც App Store-დან, ისე Google Play-დან.

თამაშში იქნება ისეთი ცნობილი ადგილები, როგორიცაა ცისარტყელის გზა და ლუიჯის სასახლე. ასევე ახალი, რეალური სამყაროთი შთაგონებული გზები ტოკიოსა და ნიუ-იორკში, რომლებზეც ყველასთვის ცნობილი პერსონაჟები ერთმანეთს კარტინგში შეეჯიბრებიან და უამრავი დაბრკოლების გადალახვაც მოუწევთ.

მსურველებს თამაშის წინასწარ გადმოწერა შეუძლიათ. Nintendo-მ ანონსთან ერთად, მობილური თამაშის ტრეილერიც გამოუშვა.