შინაგან საქმეთა სამინისტრომ ქვემო ქართლში კუმისის ტბაზე ორი ძროხის ქურდობის ბრალდებით, სამი პირი დააკავა. გამოძიების ვერსიით, ერთ-ერთმა ბრალდებულმა კუმისის ტბის მიმდებარე ტერიტორიაზე ორი მსხვილფეხა პირუტყვი მოიპარა. სამართალდამცველებმა ნაქურდალ საქონელს მალევე მიაგნეს და მეპატრონეს დაუბრუნეს. უწყების მტკიცებით, მათ კიდევ ორი ბრალდებული იმ დროს შეაჩერეს, როდესაც მოპარული საქონელი მიკროავტობუსით წალკა-თეთრიწყაროს საავტომობილო გზაზე გადაჰყავდათ.

გამოძიება ქურდობის ფაქტებზე, საქართველოს სსკ-ს 177-ე მუხლის მე-2 და მე-3 ნაწილებით მიმდინარეობს. დანაშაული 3-დან 7 წლამდე ვადით თავისუფლების აღკვეთას ითვალისწინებს.