საქართველოს ყოფილმა პრეზიდენტმა და ოდესის ოლქის გუბერნატორმა მიხეილ სააკაშვილმა ქართველებს ფეისბუკის საშუალებით მიმართა და არჩევნებზე მხარდაჭერისკენ მოუწოდა.

სააკაშვილის თქმით, ქართველი ხალხი მნიშვნელოვანი არჩევანის წინაშე დგას:

"ივანიშვილის დარჩენის პირობებში ქართული სახელმწიფოს არსებობა ეჭვქვეშ დადგება და საქართველოს დაემუქრება გაქრობა მსოფლიო რუკიდან. ივანიშვილმა საქართველო თავიდანვე პატარა სოფლად გამოაცხადა და იწინასწარმეტყველა, რომ ის მსოფლიო რადარებიდან გაქრებოდა, როგორც დავიდ კოპერფილდმა გააქრო ის საერტასორისო რადარებიდან".

სააკაშვილმა განაცხადა, რომ ქართული ოცნების მმართველობის პირობებში ქართული ვალუტა მთლიანად ჩამოიშლება და მათ გამარჯვებას სხვა მრავალი ნეგატიური შედეგები მოჰყვება:

"ჩვენ ვაკეთებთ არჩევანს სიბნელესა და სინათლეს შორის, საქართველოს არსებობასა და გაქრობას შორის, სახელმწიფოსა და ჩამოშლას შორის".

სააკაშვილმა დასძინა, რომ ივანიშვილი არჩევნების გაყალბებას ვერ შეძლებს.