დისნეიმ უკვე დიდი ხანია აქტიურად დაიწყო ძველი ანიმაციურიების მხატვრულ ფილმებად გადაღება. მზეთუნახავი და ურჩხულის, მეფე ლომის, ალადინის და სხვა ლეგენდად ქცეული მულტფილმების ახალი ვერსიების რიცხვს ჯერ კიდევ 2018 წლის დასაწყისში ლედი და მაწანწალა შეუერთდა.

ფილმიდან დისნეიმ პირველი ფოტო გამოაქვეყნა, რომელშიც შეყვარებულ ლედის, ამერიკულ კოკერ-სპანიელს და მაწანწალას, შერეული ჯიშის ძაღლს ვხედავთ.

ფოტო: Disney

ანიმაცია 1955 წელს გამოვიდა და მაშინვე გახდა ყველასათვის ერთ-ერთი საყვარელი მულტფილმი. ახალი ვერსიის რეჟისორი ჩარლი ბინია. ფილმში მაშველი ძაღლები მონაწილეობენ და მათ ცნობილი მსახიობები გაახმოვანებენ. გამხმოვანებლებს შორის არიან ტესა ტომპსონი, ჯასტინ ტერუ, ჟანელ მონე, სემ ელიოტი და სხვები.

ანიმაციის სიუჟეტი პატარა ლედის შესახებაა, რომელიც ერთ დროს მაღალი კლასის ოჯახში ცხოვრობდა, თუმცა ახლა ქუჩაში ცხოვრობს, სადაც სხვა მაწანწალასთან მეგობრობს.

ფილმის პრემიერა დისნეის სტრიმინგ სერვისზე, Disney+, 12 ნოემბერს შედგება.