გორში, პარტია ჩვენი სამშობლოს წინასაარჩევნო აქციაზე, პარტიის ერთ-ერთი წარმომადგენელი სიტყვით გამოვიდა და რუსეთის ყველა მოწინააღმდეგეს დაემუქრა:

"ყველას ვპირდები, ყველა ანტირუსულ იდეოლოგს, სუ ყველას გაგანადგურებთ, სუ ყველას დაგბომბავთ თქვე ნაძირლებო, თქვენა, მე ვარ სუმბულიძე ზურიკო, პატარა სტალინი".

პარტია ჩვენი სამშობლო, რომლის ლიდერიც ტრისტან წითელაშვილია, არჩევნებში თოფაძე-მრეწველებთან ერთად, ერთ საარჩევნო ბლოკად მონაწილეობს.

წითელაშვილი, სხვა წევრებთან ერთად, გორელ მხარდამჭერებს 5 ოქტომბერს შეხვდა. მათ მოსახლეობას პარტიის გეგმები და საარჩევნო პროგრამა გააცნეს, რომელიც ძირითადად რუსეთთან მეგობრული ურთიერთობის ჩამოყალიბებას შეეხებოდა.

ფოტო: კადრი ვიდეოდან / თრიალეთი