მაშველებმა სვანეთში, მწვერვალ თეთნულდზე დაკარგული სამი ტურისტი იპოვეს. ბელორუსიის ორი მოქალაქე გარდაცვლილი, ხოლო ერთი — დაშავებულია. უწყების ცნობით, დაშავებულის ჯანმრთელობის მდგომარეობა მძიმეა.

სამი ტურისტი ქალის გაუჩინარების შესახებ შეტყობინება 122-ში გუშინ, 14 აგვუსტოს, ღამით შევიდა. სამძებრო სამუშაოებში მონაწილეობდა სწრაფი რეაგირების მესტიის სპეციალიზებული სამაშველო ჯგუფი. ხილვადობის აღდგენისთანავე, სამაშველო ოპერაციაში ჩაერთო სასაზღვრო პოლიციის ვერტმფრენი. ტურისტები მაშველთა ჯგუფებს მესტიაში გადაჰყავთ. სამაშველო ოპერაცია მთელი ღამის განმავლობაში მიმდინარეობდა.