ბორჯომის მერი, ლევან ლიპარტია ამბობს, რომ "ბორჯომობა 2019" წლისთვის, ბიუჯეტიდან დაფინანსებულ კონცერტზე ნინი ქარსელაძე და მარიკა თხელიძე გამოკითხვით შეარჩიეს. ეს მომღერლები სახელისუფლებო პარტიის მხარდამჭერები არიან, თუმცა მერია ირწმუნება, რომ ეს ფაქტორი "არაფერ შუაშია".

ბორჯომის მერი, ლევან ლიპარტია ამბობს, რომ "ბორჯომობის" კონცერტზე გამომსვლელი მომღერლები მას და ბორჯომელებს მოსწონთ.

"ყველას მოსწონს, ვისთანაც იყო საუბარი... [გამოკითხვა] ბორჯომში ჩავატარეთ. ჩვენმა თანამშრომლებმა [ჩაატარეს]", — უთხრა On.ge-ს ბორჯომის მერმა.

"ბორჯომობა 2019-ზე", რომელიც 17 აგვისტოს გაიმართება, მონაწილეობას ნინი ქარსელაძისა და მარიკა თხელიძის მიიღებენ გიგი ადამაშვილი, დათო გომართელი და ზვიად ბოლქვაძე. მათთვის ჰონორარის სახით, ჯამში, 14 350 ლარია გათვალისწინებული.