სანდრა რულოვსმა ერთიანი ნაციონალური მოძრაობის აქციაზე შეკრებილ მოსახლეობას სიტყვით მიმართა და ზუგდიდის რაიონის მოსახლეობას განსაკუთრებით მიესალმა:

"გვჯერა ძლიერი საქართველოს იდეის, მისი გზის ევროპისკენ! და როცა ძლიერი და ერთიანი მიდგომა გვექნება ისევ და ავაშენებთ ჩვენს ქვეყანას, ზუსტად მაშინ ვიქნებით აფხაზეთისთვის ის მიმზიდველი, წარმატებული და გამარჯვებული ქვეყანა, რომელთანაც ყველას უნდა, რომ იყოს და ამიტომ, ჩვენს აფხაზ დებსა და ძმებს ასევე მოგესალმებით. გამარჯვებამდე სულ ცოტა, დღეები და საათები დაგვრჩა. 8 ოქტომბერი გადამწყვეტი ბრძოლაა. ყველასთვის ნათელია, რომ ასე გაგრძელება აღარ შეიძლება. მათი მმართველობის 4 წელი საკმარისი იყო, არ შეუძლიათ, ვერ მიხედეს ქვეყანას. ის განიცდის უკუსვლას და არნახულ გაჭირვებას".