აშშ-ში ჩატარებული გამოკითხვის მიხედვით, თუ ოდესმე საკვების მიტანის სერვისით გისარგებლიათ და აღმოგიჩენიათ, რომ თქვენს კარტოფილს კარტოფილი აკლია, დიდი შანსია, რომ თქვენი შეკვეთილი საკვების ნაწილი კურიერს შეეჭამა.

საკვების მიტანის სერვისის სფეროში მომუშავე მძღოლების 28 პროცენტი აღიარებს, რომ მათ შეკვეთიდან საკვების ნაწილი ერთხელ მაინც უჭამიათ.

კიდევ უფრო მნიშვნელოვანი, შესაძლოა, ის იყოს, რომ კვლევის მიხედვით, მძღოლების 50 პროცენტს შეკვეთიდან საკვების მოპარვის სურვილი ერთხელ მაინც გასჩენია.

კვლევა ჩატარდა საკვების მიტანის სერვისების მომხმარებლების მიმართაც. მათ 0-დან 10-მდე უნდა შეეფასებინათ, რამდენად გაბრაზდებოდნენ თუ გაიგებდნენ, რომ მათი საკვების ნაწილი კურიერმა მოიპარა. საშუალო პასუხი 9.4 იყო.

სხვა სიტყვებით რომ ვთქვათ, ადამიანები საკმაოდ ბრაზდებიან, როდესაც იგებენ, რომ მათი საკვები სხვამაც გასინჯა. რაც, გასაკვირი სულაც არ არის.