ბათუმში, მშენებარე კორპსში ლიფტი ჩაწყდა. ბათუმის სასწრაფო სამედიცინო სამსახურის პრესსამსახურში On.ge-ს უთხრეს, რომ ლიფტში ოთხი ადამიანი იყო, ერთი ქალი, სამი კაცი. მათგან ორს მოტეხილობა აქვს ერთს კი მსუბუქი დაზიანება. ისინი ბათუმის რეფერალურ საავადმყოფოში გადაიყვანეს. ადგილობრივი გამოცემა ბათუმელების ინფორმაციით, ლიფტი იყო სატვირთო.

On.ge-ს შინაგან საქმეთა სამინისტროში განუცხადეს, რომ ბათუმში, აღმაშენებლის ქუჩაზე ერთ-ერთ მშენებარე ობიექტზე სიმაღლიდან ლიფტის ვარდნის ფაქტზე გამოძიება სისხლის სამართლის კოდექსის 240-ე მუხლით მინდინარეობს, რაც სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.