შეკვეთილში, ბიძინა ივანიშვილის რეზიდენციასთან გამართული აქციის დროს გამოწვეული ხმაურის გამო ნაციონალური მოძრაობის წევრი, ელგუჯა ბაგრატიონი 150 ლარით დააჯარიმეს. ამის შესახებ ინფორმაციას აჭარის საზოგადოებრივი მაუწყებელი ავრცელებს.

"გააღვიძე ოლიგარქი", — ამ სლოგანით, შეკვეთილში ბიძინა ივანიშვილის რეზიდენციასთან, რამდენიმე კვირაა ერთიანი ნაციონალური მოძრაობის წევრები და აქტივისტები საპროტესტო აქციებს მართავენ.

აჭარის ტელევიზიასთან საუბარში, ელგუჯა ბაგრატიონი ამბობს, რომ ივანიშვილი ამ ფორმით ცდილობს აქციის მონაწილეები შეაჩეროს.

''კიდევ ერთხელ ვიმეორებ, ეს ბიძინა ივანიშვილს სჭირდება, რომ როგორმე აქციის მონაწილეები შეაჩეროს. მერე კი მშვიდად დაიძინოს", — ამბობს ენმ-ს წევრი.