უზენაეს სასამართლოს მოსამართლეობის კანდიდატის, ილონა თოდუას თქმით, ლევან მურუსიძე სასამართლოს დამოუკიდებლობის სადაჯაროზე იდგა. ამის შესახებ მან დღეს, 24 ივლისს იუსტიციის უმაღლეს საბჭოში გასაუბრებაზე არამოსამართლე წევრის ნაზი ჯანეზაშვილის კითხვის პასუხად ისაუბრა. ილონა თოდუა ამბობს, რომ ლევან მურუსიძე ყველაფერს აკეთებდა, რაც მოსამართლის დამოუკიდებლობას, რეპუტაციას, ავტორიტეტს შეეხებოდა:

"მე მგონი, დასაფასებელია ის, რომ სასამართლოს გამოწვევებს პასუხობდა... რეალობა არის ის, რომ მოსამართლეთა კორპუსში ბატონი ლევანი ავტორიტეტით სარგებლობს. რეალობა არის ის, რომ გამოწვევები, რაც იდგა სასამართლოს წინაშე, ბატონი ლევანი არა თუ ლიდერი, სასამართლოს დამცველი გამოდიოდა იმ ძირითად უფლებებთან მიმართებაში, რაც იყო სასამართლოს დამოუკიდებლობა და კონკრეტულად ჩვენი, მოსამართლეების დამოუკიდებლობა. ამ ყველაფრის ერთიანად აღქმა მაძლევს იმის საშუალებას, რომ ვთქვა, რომ მას ნამდვილად გააჩნია ლიდერის თვისებები, ქმედებები, რომელიც მას ახასიათებს და რაც განახორციელა სასამართლო სისტემისთვის, ეთქვა, რომ იყო ლიდერი და სისტემურად ვთვლი, რომ ის არის ლიდერი. სასამართლოს ლიდერი კი არა, თავისი თვისებებიდან გამომდინარე".

ლევან მურუსიძე თბილისის სააპელაციო სასამართლოს უვადო მოსამართლედ 27 დეკემბერს გაამწესეს. მის სახელს არაერთ გახმაურებულ საქმესთან არის დაკავშირებული, როგორც წინა ხელისუფლების დროს, ისე ახლა.

ნაციონალური მოძრაობის მმართველობის დროს მან განიხილა სანდრო გირგვლიანის მკვლელობის, სულხან მოლაშვილის და ე.წ. ამბოხებული მოსამართლეების საქმეები. მისი გადაწყვეტილებით, გირგვლიანის მკვლელობაში ბრალდებულებს სასჯელები შეუმცირდათ. მოქმედი ხელისუფლების დროს კი მურუსიძემ განიხილა კომპანია აიისას საქმე.

გაიგეთ მეტი: