ამაზონმა Homecoming-ის მეორე სეზონისთვის ჯულია რობერტსის შემცვლელი იპოვა.

სერიალში, რომლის სცენარისტი და აღმასრულებელი პროდიუსერი მისტერ რობოტის შემქმნელი სემ ისმაელია, მსახიობი და მომღერალი ჟანელ მონე მთავარ როლს შეასრულებს. ჰოლივუდ რეპორტერის ცნობით ჯულია რობერტს ამ როლზე მხოლოდ 1-სეზონიანი კონტრაქტი ჰქონდა.

მონე შეასრულებს ქალის როლს, რომელიც აღმოაჩენს, რომ მოტივტივე კანოეში ზის და წარმოდგენა არ აქვს, იქ როგორ მოხვდა, ან საერთოდ ვინ არის. სერიალის მეორე სეზონი იმ სიუჟეტურ ხაზს გააგრძელებს, რომელიც პირველი სეზონის ფინალის პოსტ-კრედიტში ჩანს.

სერიალ Homecoming-ში რობერტსს პირველი მუდმივი სასერიალო როლი ჰქონდა, თუმცა მსახიობს და კომპანია ამაზონს კონტრაქტი მხოლოდ ერთი სეზონისთვის ჰქონდათ დადებული. მსახიობი როლს აღარ შეასრულებს, თუმცა სემ ისმაილთან ერთად ისევ დარჩება სერიალის აღმასრულებელ პროდიუსერად.

ჟანელ მონე ავტორ-შემსრულებელი, პროდიუსერი და მსახიობია. ის გრემის სხვადასხვა ნომინაციებზე რვაჯერ იყო წარდგენილი. მსახიობმა 2016 წელს ბერი ჯენკინსის Moonlight-ში ითამაშა.